விரைவில் வாராயோ
மாண்டியா மண்ணில் முளைத்த வித்தே
தந்தை விரல்பற்றாமல் தானாக நடந்தாய்
சந்தியா பெற்ற இந்தியாவின் மகளே
படிப்பில் முதலிடம் பண்பின் பிறப்பிடம்
அறியாப் பருவத்திலே ஆயகலைகளை அறிந்தாய்
சுட்டிப் பெண்ணாய் வெள்ளித்திரை நாயகியாய்
சினிமா உலகையே கட்டிப் போட்டாய்
இதயக் கனியின் இதயத்தில் இடம்பிடித்தாய்
அண்ணா வழியின் அடியொற்றி நடந்தாய்
அவர்கொள்ளகை பரவ அர்ப்பணித்தாய் வாழ்வை
தமிழ்நாட்டின் தலைஎழுத்தை திறமையாய் மாற்றினாய்
இந்திய நாட்டின் எழுச்சி நாயகியே
அன்னை இந்திரா அருமை தாட்சர்
அனைவரையும் மிஞ்சிய வேலு நாச்சியே
தமிழ்நாடு தானும் தரணியில் மின்னிட
தன்சுகம் துறந்த மணிமே கலையே
விண்ணோர்கள் வேண்டியதால் வானுலகம் சென்றாயோ
விம்மி நிற்கின்றோம் விரைவில் வாராயோ
No comments:
Post a Comment